2 - إسترونج إندبندنت وومان

✋ سلام عليكم , إزيكوا يا ولاد , 

النهارده هنتناول أفكار أول 4 حلقات فى برنامج خواطر وهم ومش شرط بالترتيب , السعادة , التدخين , العظماء , الإعتماد على الخادمات والمربيات .

 _ بالنسبة للسعادة : فأنا الصراحة هأمتنع عن التعليق عن الموضوع ده إستشعارا للحرج وهأكتفى بتوضيح إنى وبالترتيب : أولا ً عايش فى مصر , ثانيا ً مصرى , ثالثا ً ممعاييش ال 300 ألف جنيه  .

_ بالنسبة للتدخين : فأنا بصراحة آرائى فى الموضوع ده عنيفة شوية أخاف لا الفولوور الوحيد اللى حيلتى فى المدونة الأخ أوين بيتر الشهير بمحمود جمال يزعل , أنا عارف إن جمى مكانش بيشرب وإحنا فى الكلية بس مش يمكن يكون بقى بيشرب دلوقتى وكلامى يزعله ونخسر 100 % من الفولوورز بتوع المدونة ,,,,,, وأه يا عم , أنا ببيع آرائى ومبادئى عشان الفلوس المحتملة , ملكش دعوة , وأقول لك على حاجة , لسه كمان فيه مبدأين عندى جوه عاينهم أبيعهم فى وقت عوزة , ما يخصكش  .

_ بالنسبة للعظماء : فأنا برضه الصراحة إستشعرت الحرج ومش هتكلم عن الموضوع ده , وكده كده البرنامج الوثائقى اللى ناشيونال جيوجرافيك هتعمله عنى بعد 10 سنين تقريبا هيشرح الموضوع ده بشكل وافى فمش هنقعد نحكى فيه حكى ملوش لازمة , أنصحكوا تبقوا تشوفوا البرنامج أحسن .

_ بالنسبة بقى لموضوع الإعتماد على الخادمات والمربيات وما يصاحبه من الحديث عن الإسترونج إندبندات وومان : فبما إنى معنديش على الفيس أى نوع من أنواع الحريم لا الإسترونج إندبندات ولا حتى الويك ديبندانت , يعنى إحتمال إن يجيلى فولوور حريم حاليا يكاد يكون معدوم , فلأ بقى أنا هأتكلم وأتكلم وأجيب ناس كمان تتكلم , ما هو مش أنا اللى أبيع مبادئى عشان الفولوورز أو حتى الفلوس , مش أنا يا بابا لأ , دى مدونتى أكتب فيها أفكارى براحتى واللى مش عاجبها تغور .

نتكلم جد شوية بقى ,, الحلقة دى جابت فيديو حرق دمى والله , متسجل من كاميرا مخفية محطوطة عشان تراقب تعامل المربية مع العيل الصغير _ عيل كبيره سنة واحدة _ الوليه عاملاله رضعة والواد بيعيط مش عايز يشرب  , بتحصل على طول , قامت الولية المربية هابدة الواد على الكنبة وضارباه ,,, فيديو تانى بتلبسه بنطلونه فبيلفلص برجله قامت هابداه برضه بس بدل المرة 3 مرات وطبعا فى المرتين الواد بينفجر فى العياط ,, بغض النظر عن كون المربية ست مفترية وبنت كلب ,, أنا عايز أعرف سبب مقنع يخلى واحدة ست تسيب إبنها لواحدة تربيه بالفلوس , وجهة نظرها إيه , بإستثناء المرض والحاجة الشديدة إلى المال والإضطرار إلى العمل _  طبعا من منظر البيت ومن وجود مربية ومن وجود الكاميرات برضه فأكيد أهل الواد ده أغنيا _ فأى واحدة تسيب عيالها لواحدة تانية تربيهم وتشيل قرفهم تبقى هيا اللى بنت 60 كلب وجوزها إبن 60 كلب برضه , العيال الصغيرين متعبين ومقرفين , ومش هيستحملهم إلا حد بيحبهم , بالنسبة للمربية إحتمال ولو 1 % منهم يبقوا آخدين الموضوع وظيفة زى أى وظيفة , ليه تسيبى عيالك لواحدة تربيهم طالما مش محتاجة فلوس ومش مريضة ,,  عايزة إيه يعنى ؟, إوعى يا بت تكونى عايزة تنامى براحتك وتصحى براحتك , ما كنتيش خلفتى يا إختى وكنتى قضيتيها صرمحة إنتى والنطع اللى متجوزك , ولا لا داهية بقى لا تكونى بتصحى بدرى عادى بس بتسيبى العيال وتروحى الشغل  , لو مش محتاجة فلوس وعايزة تشتغلى وماله يا ماما براحتك بس ما يجيش على بيتك وعيالك , هيأثر على الولاد والبيت يبقى خلاص تاخدى أجازة ولما يكبروا إرجعى لو عايزه , بس لأ إزاى , ( هوا أنا خدامة عشان أقعد فى البيت , أنا بأشتغل عشان أحقق كيانى ) , كيانك إيه يا بت ؟ جاك داء فى كيانك , راعى العيال عشان أما يكبروا يراعوكى وما يحطوكيش فى دار مسنين ويدوروا على كيانهم ويسيبوك , إحنا لو لاقيين قعاد هنقعد يا بقرة ,, طبعا دلوقتى الجماعة الفيمينيست وأنصار حقوق المرأة وشوية البقر اللى ماشيين وراهم بيقولوا عنى إنى متخلف ورجعى , أحب أقول لهم والله ما متخلف غيركم , شوية بقر وجمايس ما عندهمش مخ ,,,,  وزى ما طول عمرى كنت وأنا راكب المترو أو أى أوتوبيس أدعى وأقول : ربنا ينتقم منك يا قاسم يا أمين على الوحلة اللى حطيتنا فيها , مع الإعتذار لكمال أبو رية .
 إتمسوا بالخير .

لينك صفحة الفيس :   https://www.facebook.com/aka.azka.blog